Ginmando sang Sandiganbayan Third Division ang 90-day suspension kay Senador Rodante Marcoleta bangud nagapangatubang ini sang kaso nga plunder may kaangtanan sa gina-alegar P75 million nga donasyon sa kampanya.
Sa ginpaguwa nga resolusyon, ginmando sang anti-graft court ang suspension kay Marcoleta sa iya pwesto sa Senado ukon ano man nga posisyon sa gobyerno sa sulod sang 90 ka adlaw humalin sang nabaton ang mandu.
Matandaan nga nagpasaka sang kaso nga plunder ang Office of the Ombudsman batok kay Marcoleta sadtong Hulyo bangud sa mga palamangkutanon angot sa ginaalegar P75 million nga donasyon nga iya nabaton sang nagaserbe pa ini bilang party-list representative.
Magluwas sa kaso nga plunder, nagapangatubang man ang senador sang tatlo ka kaso nga ginaalegar paglapas sa Presidential Decree No.46 nga nagadumili sa mga opisyal sang gobyerno nga magbaton sang regalo bangud sa ila posisyon.
Apang ginpanginwala ni Marcoleta ang mga alegasyon paagi sa pagsulod sang plea of not guilty sa mga kaso nga iya ginapangatubang.
