Nagpagwa sang mandu ang Sandiganbayan para sa 90-day preventive suspension batok kay Leyte 1st District Representative Ferdinand Martin Romualdez may kaangtanan sa mga pending nga kaso batuk sa iya sa anti-graft court.
Suno sa resolusyon nga ginpagwa sang korte, ang preventive suspension isa ka standard measure sa idalom sang Republic Act No.3019 ukon Section 13 sang Anti-Graft and Corrupt Practices Act.
Gin-athag sang Sandiganbayan nga ang suspension indi isa ka silot ukon final judgment sa kaso, kundi isa ka probisyon sang kasuguan agud masiguro nga indi mahimo nga gamiton sang sin-o man nga opisyal ang iya posisyon samtang nagapadayon ang hearing.
Sa nasambit nga mandu, temporaryo nga suspendido si Romualdez sa pag-perform sang iya katungdanan bilang Representative sang Leyte kag iban pa nga opisyal nga hilikuton may kaangtanan sa iya talatapan sa Kamara sa sulod sang tatlo ka bulan.
Ginpadala na sang Sandiganbayan ang kopya sang mando sa Kamara agud gilayon nga mapatuman ang preventive suspension.
Samtang, gin-anunsyo naman sang kampo sang mamalidha nga ginarespeto nila ang proseso sang layi apang natalana sila nga mag-file sang katumbas nga legal measures ukon motion for reconsideration angut sa nasambit nga court directive.
