-- ADVERTISEMENT --
Naghingyo sang dugang nga 30 ka adlaw ang Sandiganbayan 3rd Division agud maresolbar ang petition for bail ni anay Senador Bong Revilla Jr. kag iban pa nga akusado sa malversation case nga may kaangtanan sa flood control scandal.
Natapos na kuntani sang Hunyo 5 ang una nga 30-day review, apang naghingyo ang korte sang dugang nga panahon para mapadayon ang pagtuon sang kaso.
Si Revilla kag anom pa ka iban nga akusado ang ginakabig nga nalakip sa kaso sang ginapahayag nga P92.8 milyon nga ghost flood control project sa Pandi, Bulacan.
Una na nga nakapiyansa si Revilla sang P90,000 para sa separado niya nga graft case.
