Nagmandu na ang Sandiganbayan Third Division sang pag-aresto kay Senator Rodante Marcoleta kag tatlo ka iban pa may kaangtanan sa P75-million plunder case nga gin-file sang Office of the Ombudsman batuk sa ila bangud sa kapaslawan nga ideklara ang campaign donation nga nabaton sang senador para sa iya pagpadalagan sang 2025 elections.
Magluwas kay Marcoleta, ang iban nga indibidwal nga ginmanduan sang pag-aresto sang anti-graft court amo ang iya ginaalegar campaign donors nga sanday, former Anakalusugan party-list Rep. Michael Defensor, and businessmen Joseph Varias Espiritu kag Aristotle Baluyut Viray.
Ang plunder ang isa ka non-bailable offense. Apang mahimo nga maka-file sang motion nga nagahingyo nga makapyansa si Marcoleta kag iya mga co-accused agud maka-secure sang temporaryo nga kahilwayan.
Magluwas sa kaso nga plunder, si Marcoleta kag ang tatlo ka iban pa ang nagapangatubang sang separado nga mga kaso bangud sa paglapas sang Presidential Decree 46 nga nagadumili sa mga public officials nga magbaton, directly ukon indirectly, sang ano man nga regalo, ukon ano nga sahi sang benepisyo.
Nahibaluan nga si Marcoleta ang nagapangatubang sang tatlo ka counts sang paglapas sang Presidential Decree 46 samtang si Defensor, Espiritu kag Viray ang nagapangatubang sang isa ka count sang paglapas sa PD 46.
