Ginkakibot sang Sandiganbayan sa kadamuon sang ginreport nga balatian ni former Department of Public Works and Highways (DPWH) Secretary Manuel Bonoan, nga isa sa mga akusado sa kaso nga plunder and graft may kaangtanan sa ginaalegar maanomaliya nga flood control projects.
Sa dokumento nga ginbasa ni Sandiganbayan Presiding Justice Geraldine Econg sang Second Division, ginalakipan sang mga balatian ni Bonoan ang chronic kidney disease (CKD), prostate cancer, diabetes, hypertension, acute coronary syndrome, kag spine condition.
Bangud sini, nagmando ang korte sang updated medical report gikan sa Philippine National Police agud ma-verify ang iya kondisyon.
Matandaan na si Bonoan ang nagapangatubang sang P573-million nga kaso nga plunder and graft may kaangtanan sa ginaalegar maanomaliya nga flood control projects sa Bulacan, kon sa diin lakip man sa mga akusado si Senator Jinggoy Estrada kag iban pa nga mga anay opisyal sang Department of Public Works and Highways.
