May 832 ka mga franchise sang tricycle nga gin-aprubahan ang Sangguniang Panlungsod sa ginpatigayon nga sesyon sang konseho sang syudad sang damlag lang.
Ginpahayag ni City Councilor Albert Gregory Potato, chairman sang Committee on Transportation and Public Utilities, ang nasambit nga numero ang 1st batch pa lamang sa listahan sang Tricycle Franchising and Regulatory Unit (TFRU) sang mga tricycle operators nga nag-apply sang renewal sang ila nga frangkisa.
Suno sa opisyal nga antes sini ila ginpabalik sa TFRU ang ginsumiter nga listahan kag ginpanugyanan nga salaon ukon i-screen sang maayo sa bulig sang TODA agud masiguro nga indi makwestyon ang nagapanag-iya sang frankisa.
Nagapati si Potato sang ginpalab-ot na sa ila sang TFRU ang listahan, ginpaidalum na ini sa maidid nga screening.
Apang gintuad ni Konsehal Potato sa ila ginpatigayon nga pre-session conference , nagkasugot sila nga mga konsehal nga tsekyaron sang maayo ang ginsumiter nga listahan sang TFRU kag pananglitan may madiparahan nga kwestyunable, ila ini markahan.
Sa nasambit nga numero kag sa una nga batch sang listahan, ila nakita nga kwalipikado ang mga nag-apply sang renewal sang frankisa.
Apang ginklaro ni Potato nga subject to revocation sa gihapon ang mga frankisa, pananglitan may madiskubrehan ukon may magpalab-ot sang reklamo sa ila talatapan nga mga concerned individuals.
Ginpanindugan pa sang opisyal nga sandig sa laye, sila sa Sanggunian ang mahimo nga maka-grant kag maka-revoke sang frankisa kun mapamatud-an nga indi kwalipikado ang franchise holder sang tricycle.
