ROXAS CITY – May pila ka mga kondisyon ang Sangguniang Panlalawigan kasunod sang ila pag-aprubar sang revised Annual Investment Plan (AIP) 2020 sang gobyerno-probinsiyal sa ila nga sesyon.
Ini ang ginpahayag ni Board Member Jonathan Sonny Besa sang mainterview sang Bombo Radyo.
Mahibaluan nga ang AIP 2020 ang nagalab-ot sa kapin 20.27 bilyones pesos.
Nangin ‘unanimous’ ang boto sang miyembro sang SP sa pagpabor sa pag-aprubar sa amo nga pondo.
Kalakip sa kondisyon sang SP amo ang pag-presentar sa ila sang program of works para sa mga proposed infrastructure projects antes ini iga-implementar.
Ang mga proyekto sa nga yara sa AIP 2020 ang pagapondohan gikan sa 20% Development Fund, Special Education Fund, Gender and Development Fund, Calamity Fund kag sa external sources.
Matandaan nga una na nga ginrekomendar sang provincial board sa Provincial Development Council (PDC) ang pag-reconvene agud amyendahan ang AIP 2020 kasunod sang ila nakita nga duplikasyon sang pondo.
Gilayon naman nga nag-reconvene ang PDC kun sa diin may pila ka mga pagbag-o nga ginhimo sa nasambit nga pondo.
