Sangguniang panlalawigan sang Capiz kag ECCD council, ginpermahan moa sa pagpauswag sang edukasyon, ika-ayong lawas kag nutrisyon sang mga kabataan sa Capiz

Ginpermahan na sang Sangguniang Panlalawigan sang Capiz kag Early Childhood Care and Development (ECCD) Council ang Memorandum of Agreement (MOA) nga nagatuyo nga mapabaskog ang mga programa para sa edukasyon, ikaayong lawas kag nutrisyon sang mga kabataan nga naga edad zero tubtob apat ka tuig.

Sa regular session sang Sangguniang Panlalawigan, ginpahayag ni Capiz 1st District Board Member Trina Marie Ignacio nga paagi sa amo nga kasugtanan, mas mapalapad pa ang mga programa kag serbisyo para sa mga kabataan sa probinsya.

Suno kay Ignacio, isa ini ka importante nga tikang agud masiguro ang husto nga pag-atipan kag pag-develop sang mga kabataan.

Samtang, ginatun-an pa ang implementasyon sang nasambit nga programa sa probinsya sang Capiz.