ROXAS CITY – Magapatawag sang isa ka sinapol ang Sangguniang Panlungsod sang siyudad sang Roxas agud nga hinalaan ang kontrobersiyal sa karon nga ‘Bawal Angkas’ policy sang Land Transportation Office (LTO).
Sa ginpatigayon nga sesyon sang konseho sang siyudad, ginpahayag ni City Councilor Midelo Ocampo sa iya nga diskurso-pribilehiyo nga indi sang praktikal ang pagsulundan sang ahensiya nga pagdumili sang pag-angkas sa mga motorsiklo para mapabilin ang social distancing policy.
Ginpahayag sini nga dapat may mangin konsiderasyon man ang talatapan sa nasambit nga polisiya ilabi pa nga limitado lamang sa subong ang naga-biyahe nga mga tricycle sa siyudad sang Roxas kag isa lamang ka pasahero ang sarang nga maakomodar.
Ginpahayag naman ni City Councilor Albert Gregory Potato nga sa nasambit nga sinapol pagapamatiaan ang mga reklamo kag klaruhon ang mga mahimo makonsiderar sa nasambit nga polisiya.
Ang nasambit nga sinapol ang pagatambungan sang mga miyembro sang konseho, katapo sang LTO-Capiz, Highway Patrol Group, Roxas City Police Station kag Traffic Management Unit (TMU).
