Santo Papa, nagapanawagan sang kalinong sa bilog nga kalibutan

Nagapanawagan si Pope Leo XIV sa mga Katoliko kag sa bilog nga kalibutan nga indi mangin wala sang balatyagon ukon magpadala sa kahadlok sa tunga sang nagapadayon nga mga kinagamo.

Sa iya nga homiliya sa Easter Vigil Mass sa St. Peter’s Basilica, hugot niya nga ginpahayag ang peligro sang nagalala nga kakulangan sang pagsalig nga nagaguba sa relasyon sang mga pungsod.

Ginganyat sang Santo Papa ang tanan nga magtinguha para sa kalinong kag indi pagpasugtan nga magdaog ang kahadlok kag pagbulagay. Kilala man siya nga kritiko sang kinagamo sa Iran kag sang damlag lang nag-apela kay US President Donald Trump nga magpangita sang pamaagi agud tapuson ang kinagamo.