Malipayon na subong ang aktres nga si Sanya Lopez sa iya nga love life kag gin-ako sini nga nakita niya ang iya nobyo bilang lifelong companion.
Ginsaysay ni Sanya nga una sila nga nagkit-anay sa Boracay sa bulig sang isa ka common friend.
Suno kay Sanya, nagsugod nga nagpangaluyag ang iya nobyo matapos ang ila pagkt-anay, kag masami na ini nga nagabisita sa ila balay kag nagadala sang mga bulak.
Pahayag pa ni Sanya, ginpili niya nga i-private ang ila relasyon bangud nagapati ini sa evil eye kag indi niya luyag nga maapektuhan ang ila pagpalanggaanay.
Dugang po niya, ang kalipay, paghangpanay, kag pagbuligay sa pagbayad sang mga kakulangan sang isa kag isa kinahanglanon sa isa ka relasyon.
Apisar nga wala pa isa ka tuig ang ila relasyon, ginpakigbahin sang aktres nga daw kaangay asawa na siya sa iya nobyo, kag ginatinguhaan niya nga balusan ang pagpalangga kag pag-ulikid nga ginapakita sini sa iya.
