Nakafull-alert status na ang tanan nga personnel sang Sapian Municipal Police Station agud masiguro ang malinong kag luwas nga pagkomemorar sang Undas 2026.
Sa interview sang Bombo Radyo kay Police Lieutenant Steve Ian H. Bautista, Officer-in-Charge sang Sapian Municipal Police Station, iya ginpahayag nga magapahamtang sila sang Police Assistance Desk sa tatlo ka sementeryo sa banwa kag magapatigayon sang foot patrol kag mobile patrol.
Suno kay Bautista, tanan nga police personnel ang iga-deploy sa mga sementeryo, nga buligan man sang mga miyembro sang Barangay Peacekeeping Action Team.
Magakoordinar man ang kapulisan sa mga barangay kag iban pa nga ahensya, lakip ang pagpatuman sang checkpoints sa estratehikong mga lugar.
Nagpanawagan man ini sa publiko nga sundon ang mga ginapatuman nga pagsulundan kag magreport gilayon kun may makita nga problema ukon kahimtangan nga nagakinahanglan sang bulig sang kapulisan, agud mapabilin ang kalinong kag seguridad sa tion sang Undas.
