Preparado na ang ang Sapian Municipal Police Station para sa pagbukas sang klase sa Hunyo 8, 2026.
Sa interview sang Bombo Radyo kay Police Lieutenant Steve Ian Bautista, OIC sang Sapian Municipal Police Station, iya ginpahayag nga nagpatigayon na sila sang mga early preparation plan para sa pagbalik sang mga estudyante.
Suno kay Bautista, nakaalerto man ang ila nga mga katapo para sa police visibility sa eskwelahan, dalan, kag mga lugar nga posible pagadugukan sang mga estudyante kag ginikanan sa una nga adlaw sang klase.
Pahayag pa niya, padayon man ang koordinasyon sang ila talatapan sa mga school officials kag barangay officials.
Nagpanawagan man ang natungdan sa publiko sa kooperasyon sa pagmentenar sang kalinong kag katawhay ilabi na sa palibot sang mga eskwelahan sa pagbukas sang klase.
