SAPIAN, CAPIZ- Ginsiguro sang Sapian Municipal Police Station nga akitibo nila nga pagabantayan ang bug-os nga banwa sang Sapi-an sa ti-on sang selebrasyon sang Tilibyugan Festival 2025 nga natalana sa Hulyo 19 tubtob 26 agud mapabilin ang tagsa-tagsa sa maayos nga sitwasyon.
Sa interview sang Bombo Radyo kay Police Captain Cristine Cerbo, Hepe sang Sapian Municipal Police Station, iya ginpahayag nga ang bug-os nga katapo sang kapulisan sang Sapian, Municipal officials kag lain pa nga mga otoridad sang banwa ang iga-deploy.
Dugang pa sini nga padayon man suno diri ang pagbantay sa mga checkpoint kag nagdugang pa sila sang entrance kag exit point agud sa mas accessible nga road route para sa mga aktibidades sang selebrasyon.
Kaupod sang Sapian Municipal Police Station para sa pagsiguro sang seguridad amo ang mga katapo sang Bureau of Fire Protection, Philippine Coast Guard, Emergency Response Team kag iban pa nga mga force multipliers.
Panugyan ni Police Captain Cerbo sa mga pumuluyo kag mga bisita nga magapadulong sa aktibidades nga ipabilin nga matawhay ang Festival. Likawan nga magkadto nga nakainom ukon pagdala sang makahulubog nga ilimnon, pagpangita sang gamo, kag indi magdala sang mga patalom, armas, kag iban pa nga mga hinangiban.
Interviewed by Bombo Francis Biñas
