Saudi Arabia, naglunsyar sang airstrike batuk sa Houthis

Naglunsyar ang Saudi Arabia sang airstrike batok sa mga rebelde nga Houthi sa port city sang Hodeida sa Yemen kag kaiping nga mga isla.

Kasunod ini sang anunsyo sang grupo nga maritime blockade kag pag-atake sa mga barko sang Saudi.

Ginreport sang Houthi media nga ang missile strike halin sa Yemen ang nagtuga sang sunog sa Saudi city sang Jizan.

Samtang, ginpahayag sang militar sang Estados Unidos nga ila ginpalupok kag gin-disable ang isa ka tanker sa Gulf of Oman nga nagtinguha nga makalikaw sa pagbalabag sang Estados Unidos sa mga pantalan sang Iran.

Ang barko nga gin-atake sang U.S. amo ang ikaduha nga commercial ship nga na-disable halin sang gin-impose liwat ang blockade sang temprano nga bahin sang Hulyo.