Opisyal na nga gin-anunsiyo sang FIFA na ang mangin masunod nga host sang FIFA World Cup 2030 kag 2034.
Ang 2030 edition ang pagatungaon sang mga pungsod Spain, Portugal kag Morocco.
Samtang ang 2034 edition amo ang Saudi Arabia nga amo ang nag-bid para makuha ang hosting.
Madamu naman nga grupo ang Indi luyag sa pag-host sang Saudi Arabia sang nasambit nga torneo.
Suno kay Michael Page ang deputy director sang Middle East kag North Africa sang Human Rights Watch, nga mag-angkon sang madamo nga pagpamatok sa hosting sang Saudi Arabia.
Pila sa mga issues nga mahimu magguha amo ang pagpang-aabuso sa mga migrant workers, freedom of speech kag ang kinamatarung sang mga minority group sa Saudi Arabia.
Sadtong mga nakaligad nga tuig padayon ang ginahimu nga investment sang Saudi Arabia kun sa diin didtona ginhiwat ang boxing, esports kag Formula One.
Sa hosting sang Saudi Arabia sa World Cup magapatindog sila sang 11 ka stadiums kag 185,000 nga mga bag-o nga hotel rooms.
