ROXAS CITY – Ginsabat tanan ni Sangguniang Bayan (SB) member Paolo Besa ang tanan nga pamangkot ni SB member Rogelio Besorio, nga ginpaagi sini sa pagdul-ong sang privilege speech kag sa pagpahayag sa kahanginan.
Sa interview sang Bombo Radyo kay Hon. Besa, una diri, gin-aku sini nga nakabaton siya sang P20,000 nga ginapamangkot ni Besorio kun nagbaton ini, apisar nga kilala ini nga naga-criticize sa gobyerno, rason ni Besa nga demokratiko nga pungsod ang Pilipinas kag wala sang koneksyon sa iya ginapakigbato ang pamangkot kun nakabaton ini ukon wla sang nasambit nga kuwarta, bangud may basehan sa layi ang amu nga benepisyo.
Subong man, matuod suno diri kay Besa nga lagbong nga grado ang iya ginhatag sa administrasyon sa karon sa ila LGU bangud sandig sa report sang amu nga administrasyon wala nila malab-ot ang 70 porsyento nga implementasyon pag-abot sa ila programa kag mga proyekto.
Ginpanginwala man sini ang pahayag ni Besorio nga may ginmanduan ini nga staff sang Sanggunian nga indi gilayon pag-ihatag ang kopya sang iya privilege speech, suno kay Besa, sin-o ini agud manduan ang staff, kag nagapalusot nalang ang mga ini agud may ma-isyu sa iya.
Panindugan ni Besa nga ang luyag lamang sini nga mahibaluan ngaman indi nila mahatag ang duha ka bonuses, dapat indi pag ilikaw ang matuod nga isyu.
Suhestyon ni Besa, nga kuntani magpaguwa nalang sila sang official statement kun mahatag pa sila sang benepisyo sang empleyado ukon indi na, para tapos ang istorya.
