ROXAS CITY – Wala nadayon ang sesyon sang Sangguniang Bayan sa banwa sang Maayon, Capiz matapos gintuyo nga sumbagon sang Sangguniang Bayan member ang bise alkalde.
Nag ugat ang tensyon ang ginbuy-an nga tinaga ni SB member Elmer Dordas batuk kay Vice Mayor Wildy Apolinario sa alegasyon nga wala pagsunod sa ensakto nga proseso sa pagre-align sang pondo sang bise alkalde padulong sa public affairs fund.
Nahibaluan nga nagpatunga sa naga-away nga duha ka opisyal ang ila mga kaupdanan, apang nagpakatig-a si Dordas rason nga nagtawag sang pulis ang yara sa sulod sang session hall.
Matapos mapakalma si Dordas nakasugtan nga ipadayon ang sesyon, apang nakibot na lamang ang tanan sang hinali nga ginkuha sang SB member ang tasa sang kape kag ginhaboy sa bise alkalde.
Apang gilayon naman nga nasagang sang bise alkalde ang iya nga siko nga amo ang napilasan.
Samtang wala man sang nahimo ang pag-abot ni Mayor Wilfredo Borres para plantsahon ang kinagamo bangud sa pagwalk out si Dordas.
SB member ginhaboy sang tasa sang kape ang bise alkalde sa session hall
-- ADVERTISEMENT --
