SB member, napreso matapos napatay ang driver sang motorsiklo sang nagbunggu-anay ini kag ang iya salakyan

ROXAS CITY – Yara na sa kostodiya sang mga pulis sa banwa sang Maayon ang isa ka SB member sa banwa sang Dao, Capiz matapos napatay ang driver sang motorsiklo sang magbunggu-anay ini kag ang salakyan nga Pajero sa Barangay Piña, Maayon, Capiz.

Ginkilala ang napatay nga driver sang motorsiklo nga si Joey Deita 20-anyos sang Barangay Salgan, Maayon, Capiz kag nag-angkon sang kapilasan sa lawas.

Ba-se sa imbestigasyon sang Maayon PNP, nagsugat-anay ang salakyan ni SB Member Mamerto Clorion kag ang motorsiklo sang biktima.

Apang wala nakita sang nasambit nga opisyal ang masugata nga motorsiklo bangud wala sang suga ang motor.

Bangud diri, natabo ang aksidente nga ginkamatay sang biktima.