Ginahulat pa sang Samahang Basketbol ng Pilipinas (SBP) ang mandu gikan sa FIBA matapos nga nakabaton sang ‘notice of adverse analytical finding’ si Gilas Pilipinas naturalized player Justin Brownlee.
Una na nga gin-report sang SBP nga liwat nga nagpositibo si Brownlee sang ginadumilian nga substance nga masami makit-an sa mga ‘recreational’ drugs.
Suno sa SBP nga ginakay-o na sang abogado ni Brownlee gikan sa US ang nasambit nga kaso.
Paathag pa sang SBP nga wala pa sang napaguwa nga official ruling ang FIBA tubtob subong.
Ang nasambit nga “notice of an adverse analytical finding” ang may kaangtanan sa doping violation apang wala na gindetalye pa sang SBP kun san-o nagguwa ang resulta.
Ulihi nga naghampang si Brownlee sa international campaign sang FIBA Asia Cup 2025 qualifiers sadtong Pebrero kun sa diin nakaatubang nila ang Chinese Taipei kag ang New Zealand.
