Ginbasura sang Supreme Court (SC) bilang unconstitutional ang isa ka probisyon sang 2018 Social Security System (SSS) Act nga nagamando sa mga Overseas Filipino workers (OFWs) nga magbayad sang ila kontribusyon antes sila pahanugutan nga makaguwa sa pungsod.
Sa 40-page nga desisyon, ginpahayag sang SC En Banc sa Rule 14, Section 7 sang Implementing Rules and Regulations of Republic Act (RA) No. 11199 nga unconstitutional ini bangud suno sa iya batok ini sa Sections 1 kag 6 sang Article III sang Konstitusyon.
Madumduman nga ang RA 11198 (Social Security Act), nga ginpirmahan nga layi ni anay Presidente Rodrigo Duterte, nagamando sa tanan nga land-based OFWs nga mag-enrol kag magbayad sang kontribusyon sa SSS bilang self-employed members, magbayad sang bahin sang employer sa kontribusyon, kag magbayad sang tatlo ka bulan nga kontribusyon antes mahatagan sang Overseas Employment (OEC).
Ginsuportahan sini ang 2019 nga petisyon sang grupo nga Migrante International nga nagasiling nga ini nga probisyon nagalapas sa kinamatarung sang mga OFW.
