Magabaton na ang Korte Suprema sang aplikasyon para sa 2025 Bar Examination sumugod Enero 8.
Base sa announcement nga ginpaguha sang SC, magadugay ini tubtob Marso 17, 2025.
Suno sa SC, kinahanglan nga makumpleto sang tanan nga mga applikante ang ila profile, application form, uploaded digital copy sang mga documentary requirement, kag magbayad sang P12,800 application fee pinaagi sang Bar Applicant Registration System and Tech Assistance (BARISTA), ang nagaserbe nga online platform sang SC.
Para sa mga bag-o nga applikante, anay na nga nagkuha sang exam, kag mga refresher nga wala pa sang account sa BARISTA, mahimo nga magparehistro ang mga ini pinaagi sa portal.judicialry.gov.ph
Base sa polisiya sang SC, kun nabaton na ang notice of approval, kinahanglan nga magsumiter sang mga applikante ang printed kag signed copy sang ila application form, kalakip na ang physical copy sang mga mandatory requirement sa Office of the Bar Confidant (OBC).
Ang pagsumiter sini ang sa sulod sang 10 ka adlaw matapos mabaton ang notice of approval.
Ang 2025 Bar exams ang nakatalana nga pagahiwaton sa Sept. 7, 10, kag 14 sa pagpanguna ni Associate Justice Amy Lazaro-Javier nga magaserbe bilang chair.
