Scheduled trip ni Vice President Sara Duterte sa Japan, ginkanselar matapos gin-anunsyo sang Malacañang ang iya travel authority

Ginkansela ni Vice President Sara Duterte ang iya natalana nga byahe pakadto sa Japan.

Ini matapos nga ginpagwa sang Malacañang ang travel authority para sa iya personal nga byahe humalin Agosto 19 tubtob 24, nga wala sang gastuson ang gobyerno.

Suno sa Office of the Vice President, ginhingyo nila sa Malacañang ang pagkansela sang travel authority matapos magbag-o ang plano sang bise presidente.

Nagkabalaka si Duterte sa iya seguridad matapos mapagwa sa publiko ang impormasyon parte sa iya mga byahe.

Wala naman naghatag sang dugang nga detalye ang bise presidente tuhoy sa pagkansela sang iya byahe.