ROXAS CITY – Aprubado na sa sesyon sang Sangguniang Panlungsod ang scholarship ordinance sang gobyerno sang siyudad.
Ini ang ginkompirmar ni Atty. Paul Ivan Baticados, ang chairman sang Committee on Education sang Sangguniang Panlungsod sang mainterview sang Bombo Radyo.
Suno kay Baticados sa idalom sang nasambit nga ordinansa, magabaton ang qualified student sang P10, 000 nga educational assistance gikan sa gobyerno sang siyudad.
Ginpahayag sini nga pagapondohan sang gobyerno sang siyudad ang amo nga programa sang kapin P5 milyon kada tuig gani sarang sila makaakomodar sang tag-500 ka mga scholars kada semester ukon kabug-usan nga 100 scholars kada school year.
Importante suno kay Baticados nga residente sang siyudad sang Roxas ang aplikante.
Gindugang pa sini nga ang scholars sa idalom sang amo nga programa ang may yara sang 85 percent nga maintaining grade kag general average kag wala sang failing grade.
