ROXAS CITY – Patay ang isa ka school boy matapos naghikog sa puno sang sampalok sa isa ka compound sa Barangay Inzo Arnaldo Village, sining syudad.
Ginkilala ang biktima nga si JayR 21-anyos sang Sitio Switch, Barangay Adlawan, Roxas City.
Sa interview sang Bombo Radyo kay Antonio Santos, employer sang biktimaginpahayag sini nga nagatawag ini sa iya nga cellphone sang makita nga nagatindog sa kahoy sang tamarindo si JayR.
Gintawag niya ini, apang wala nagasabat gani iya ini ginpalapitan.
Apang amo na lamang ang iya kakibot sang makita nga may lubid sa liog sang biktima kag wala na nagaginhawa gani gilayon ini nga nagpangayo sang bulig.
Suno kay Santos nga nakabaton ini sang text message kay JayR sa diin nagapabatyag na ini nga mapanginmatay bangud sa ginapangatubang nga problema.
Isa sa ginasiling problema sang biktima ang pagpasaka sa iya sang complaint sang ginikanan sang mnor de edad nga nobya
Nahibaluan nga naghinyo si JayR sa employer nga buligan ang iya mabilin nga pamilya.
