MAAYON,CAPIZ – Gin-athag sang School Head sang Maayon National Highschool nga indi tanan nga estudyante ang wala pa nareleasan sang ila mga school IDs subong nga school year 2019-2020.
Ini ang ginpahayag ni Mrs. Lea Ochavo Dais, School head sang Maayon National Highschool sang mainterview sang Bombo Radyo.
Suno kay Dais nga pila na lamang ka sections sang Grade 7 students ang wala na relisan sang ila mga school id’s samtang halos tanan naman nga mga estudyante ang may yara na sang ID.
Gintumod sini nga may yara sang problema ang ila supplier rason nga naatrasar ang pagrelease sini.
Ginpanginwala man sini nga wala pa sang ID ang mga manunudlo sang nasambit nga buluthuam bangud may yara naman sila sang ginasuksok nga ID.
Samtang, ginpasalig naman sini nga marelease ang IDs sang mga estudyante antes magtakop ang klase.
