ROXAS CITY – Pormal na nga ginturn-over sa Ernesto R. Sicad Sr. National High School ang Starlink Internet Service nga kabahin sang School Internet Connect Program ni Paolo Roxas.
Sa nangin pahayag ni Roxas, ginpahayag sini nga importante sa mga estudyante ang reliable nga internet connection kag agud indi maulihi sa pagtuon kag opurtunidad ang mga kabataan.
Tinutuyo sini nga programa agud mahatagan sang maayo nga internet connection ang eskwelahan subong man makabulig sa mga estudyante sa tion sang ila mga proyekto kag requirements.
Sa nasambit nga turn-over ceremony, yara ang presensiya ni Roxas City Mayor Ronnie Dadivas, Roxas City First Lady Joanne Dadivas, Board Member Thea Faith Reyes, Former Roxas City Vice Mayor Erwin “Nonoy” Sicad, Former SB Member Menong Bocboc, SB Candido Bernales, SB Toto Besorio, SB Bebot Baes, SB Rommel Arches, SK Federation President Aldeon Buhat, Municipal Tourism Officer Angel Arches, City Councilor Earl Sicad, Ervin Sicad, Maam Charly Diaz, Maam Segundina Dollete nagikan sa Capiz Division, Punong Barangay Pangging Baguio kag iya mga Barangay Council, kag SK Chairperson Earl John Baguio.
Bangud sini, nagpalab-ot sang mensahe bilang pagpasalamat si Mayor Vic Bermejo kay Roxas bangud suno diri nahatagan na sang solusyon ang madugay na nga problema sang nasambit nga buluthuan.
