Ginpasidunggan sang Boy Scouts of the Philippines (BSP) ang pinakamataas nga pagkilala sini, ang Gold Gallantry and Heroism Award kay Scout Chris Lorenz Fabian matapos ang iya kamatayon sa violent school shooting sa syudad sang Tacloban.
Si Fabian ang estudyante nga nagsakripisyo sang iya kaugalingon nga kabuhi agud masalbar ang iya mga kapareho nga estudyante sa pagpangluthang nga nagluntad sa San Jose National High School sa syudad sang Tacloban.
Suno sa BSP, ginpakita ni Fabian ang labing kaisog kag pagkawalay hinalung-ong sang gin-una niya ang kaluwasan sang iban sangsa iya kaugalingon sa atubang sang daku nga katalagman.
Ginhatagan pagtamod sang organisasyon nga ang iya sakripisyo magaserbe nga inspirasyon sa palaabuton nga mga henerasyon sang mga Scouts kag pamatuod nga ang matuod nga pagkabayani ginatakus sa mga kabuhi nga nasalbar kag indi sa kalawigon sang kabuhi.
Sa katapusan, ang Scouting fraternity naghatag sang pasidungog kay Fabian, nga nagapat-od nga ang handumanan sang iya ngalan, kaisog, kag pagkabayani magapabilin nga buhi.
