ROXAS CITY – Mainit nga ginsug-alaw sang mga Cambodian ang ila mga bisita sa pagsugod sang Southeast Asian (SEA) Games 2023.
Sa interview sang Bombo Radyo kay Bombo International Correspondent (BINC) John Michael Dario, isa ka manunudlo sa nasambit nga pungsod, suno diri nga makit-an sa mga nawong sang mga taga-Cambodia nga nagakalangkag ang mga ini nga mag-host sa labing-una nga tion sa SEA Games.
Sa pagsugod sang hinampang, diri kag ginpasundayag sang ila mga pumuluyo ang ila kultura.
Libre man suno diri ang ticket sa mga hinampang, kinahanglan lamang nga magtemprano agud makaangkon.
Pag-abot sa seguridad, makit-an man nga ginahimo sang Cambodian government ang ila masarangan agud mapabilin ang kalinong sa lugar nga ginahiwatan sang sporting event.
Samtang, mas ginatutukan sang amu nga pungsod ang sports nga football.
