ROXAS CITY – Ginparespondehan sang isa ka misis ang iya bana nga ginaalegar nagpalupok sang armas-luthang kag nagpangtutok sa iya alas-8 kagab-i sang Pebrero 23.
Ang indi na paghingadlan nga mag-asawa ang isa ka maestra kag seaman, nga taga-Brgy. Lanot, sini nga syudad.
Sandig sa ginreport sang Misis sa Roxas City PNP, nga samtang ginakaptan sang iya Mister ang holster sang isa ka armas-luthang, hinali ini nga gintampa sang iya mister, nga naigo sa natuo nga kilay kag guya nga gintunaan sang iya pagkapilas.
Dugang pa sini, nga ginaalegar nagpalupok sang maka-duha ka beses ang iya seaman nga bana, gamit ang .45 calibre nga armas-luthang kag gintutok pa sa iya.
Bangud diri, ginrespondehan sang mga katapo sang Roxas City PNP kag Special Weapons and Tactics (SWAT) team ang amu nga puloy-an kag natigayon nga maaresto ang mister.
Natigayon man nga masungka sang ila bata ang mga masunod nga kagamitan sang iya Amay:
*1 unit sang 12 gauge shotgun model Maverick
*4 ka mga live ammunition sang nasambit nga armas-luthang
*1 ka unit Caliber.45, Colt 1911 (Silver)
*4 ka mga live ammunition sang nasambit nga armas-luthang
*1 baseyo sang bala
*1 ka extended magazine sang .45 Caliber
*1 ka bilog sang holster black
Ginlapas sang suspek ang RA 10591 ukon Illegal possession of firearms ang ammunition kag Comelec Gunban.
Iga-refer naman ini nga hitabo sa Violence Against Women & their children (VAWC) section sang Roxas City PNP para sa nagakaigo man nga kaso batuk sa seaman.
