ROXAS CITY -Nadakpan sa ginpatigayon nga drug-bust operation sang Provincial Drug Enforcement Unit ang isa ka seaman sa Arnaldo Boulevard, Barangay Baybay sining syudad.
Ginkilala ang arestado nga si Edwin Aguilar alyas Gagay, 52-anyos, residente sang Barangay Dumolog sining syudad. Suno sa hepe sang PDEU nga si Senior Inspector Hilbert Gervero, gintutokan nila ang pagmonitor kay Aguilar tubtob nga nakatransaksyon ini sa poseur buyer.
Apang natukiban nga magluwas sa otoridad, may iban pa nga katransaksyon ang arestado base man sa mga mensahe sa narekober sa iya nga cellphone.
Narekober sa arestado ang walo tanan ka mga sachet sang ginapatihan shabu, P1,000 nga marked money cellphone, disposable lighter, kaha sang sigarilyo nga ginsudlan sang iligal nga droga kag ang ginamaneho nga tricycle
Samtang hugot naman ang pagpanginwala ni Aguilar nga iya ang naekober nga mga iligal nga droga.
