Search and rescue operation sang Philippine Coast Guard-Capiz sa  isa ka lalaki nga gina-alegar naglumpat sa suba nga sakop sang Brgy. Cagay, Roxas City, nagapadayon

Nagapadayon ang search and rescue operation sang Philippine Coast Guard-Capiz sa isa ka lalaki nga gina-alegar naglumpat sa suba nga sakop sang Barangay Cagay, Roxas City.

Ang amo nga lalaki amo si alyas nga Rogelio, nga ginapahayag crew sang isa ka eco-park malapit sa lugar.

Sa interview sang Bombo Radyo kay Barangay Kagawad Isidro Aragon, iya ginpahayag nga naglumpat si Rogelio sa suba agud kuntani salbaron ang isa ka balsa ukon floating cottage nga naanod.

Suno kay Aragon, samtang nagalangoy ang lalaki, wala na ini makita bangud sang mabaskog nga current sang tubig kag hangin sa lugar.

Dugang pa sang natungadan nga base sa ila impormasyon nga ang amo nga lalaki ang wala sa impluwensya sang makahulubog nga ilimnon sang natabo ang insidente.