Search and Rescue operations sa Binaliw Landfill, natapos na; 36 ka mga indibidwal, patay sa insidente

Opisyal na nga gintapos sang mga otoridad ang nagapadayon nga search and rescue operations sa Binaliw Landfill sa Cebu City matapos narekober sang mga otoridad ang pinakaulihi nga nadula nga bangkay sa landslide nga nagluntad sa lugar sang Enero 8.

Suno sa Cebu City Disaster Response Committee, narekober ang bangkay sini nga Domingo sang aga rason nga naglab-ot na sa 36 ang napatay sa insidente.

Magluwas diri, na-account na ang tanan nga ginreport nga missing kag napatay sa insidente samtang 14 ang nagapabilin nga naospital kag apat naman ang ginpauli sa ila mga puluy-an kag pamilya.

Samtang sang Biyernes, gindumdum sang mga himata sang mga napatay sa landslide ang ila mga pinalangga samtang nagadeklarar sang State of Calamity sa lugar.