Ginpresentar na sang Department of Interior ang Local Government (DILG) si Kingdom of Jesus Christ founder Apollo Quiboloy, kaupod ang mga kapwa akusado nga sanday Jackielyn Roy, Ingrid Canada, Cresente Canada, kag Sylvia Cemanes, kasunod na man sang ila pag-surrender.
Ginpangunahan ni DILG Sec. Benhur Abalos Jr. ang presentasyon kun sa diin gin-abot lamang ini sang kulang-kulang isa ka minuto kag wala na sila ginpabay-an ng magpamangkot pa sang mga katapo sang media.
Matapos ang halos isa ka minute nga exposure, ginbalik man ang mga akusado sa isa ka kwarto.
Makita sa nasambit nga presentasyon, nga nakasuksok sang orange detainee shirt ang mga akusado apang apat sa ila, kalakip si Quiboloy, ang may sukson nga itom nga jacket.
Indi man makita ang mukha sang kontrobersyal nga pastor bangud nakasuksok ini sang itom nga sunglasses samtang suksok gihapon sini ang black cap nga may marka nga agila, ang pareho nga sumbrero nga suksok sini sang nagbutwa ini sang tinalikdan nga adlaw sang dominggo
Ginpakita man sang Department of Interior ang Local Government (DILG) ang detention facility sa Philippine National Police(PNP) Detention Center nga temporaryo naman nga ginatiniran sang mga akusado.
Makita diri ang mga kama, tig-isa ka electric fan, bangko, bulutangan sang tubig, kag magamay nga comfort room sa sulod mismo sang kwarto.
Makita man na malimpyo ang mga nasambit nga room base sa video nga ginpaguha sang DILG.
Suno kay Abalos, wala sang mangin special treatment kay Quiboloy kag mga kaupod sini, kasunod sang padayon nga pag-kustodiya sa PNP.
Ang grupo ni Quiboloy ang nakadetain sa Custodial Center sa Camp General Rafael T. Crame, ang national headquarters sang Philippine National Police nga yara sa Quezon City.
