ROXAS CITY – Positibo ang coach sang WVRAA secondary boys basketball team nga makahimo sang kasaysayan subong nga tuig ang delegasyon sang Region 6 sa Palarong Pambansa 2019.
Suno kay coach Jeffrey Abool, target sang basketball team nga malampuwasan pa ang 3rd place nga ranking kag makahampang sa championship round ang mga atleta sang Western Visayas.
Bangud diri, padayon ang practice sang mga atleta sa basketball para madala pauli ang kampeonato.
Bulan sang Pebrero sini nga tuig sang makahimo sang kasaysayan ang WVRAA secondary boys basketball team matapos makuha ang kampeonato sa WVRAA Meet 2019 sa diin nangin tagbalay ang probinsiya sang Capiz.
Ini ang labing una nga kampeonato nga nakuha sang Capiz sa WVRAA meet sa sulod sang 47 ka tuig.
Samtang duha ka players nga gikan sa Negros Occident ang kalakip sa delegasyon sang Region 6 sa basketbal secondary boys.
