Arestado ang security guard matapos nga nagpanaya sang armas-luthang sa Barangay Rosario, Pilar, Capiz.
Ginkilala ang amo nga suspetsado kay alyas Leomy , 47-anyos kag residente sang nasambit nga barangay.
Sa impormasyon nga nakuha sang Bombo Radyo sa Pilar MPS, ginpahayag sini nga nagapinataka nalang sang pagpanaya ang amo nga suspek sang iya armas luthang sa mga nagalabay rason nga nagreport na ang mga pumuluyo kag nagparesponde.
Sa pagpadulong sang mga katapo sang kapulisan dakop sa akto nga nagabitbit ini sang isa ka unit sang smith and wisson caliber Magnum 357 revolver nga loaded sang 1 ka bala kag basiyu.
Suno pa sa ginapahayag yara sa idalum sang impluwensya sang makahulubog nga ilimnun si alyas Leomy.
Sa karon, natalana na nga pasakaan sang nagakaigo nga panumbungon ang amo nga suspetsado kag yara na sa paghinakop sang Pilar PNP para sa nagakaigo nga disposisyon.
