Security guard, arestado sa ginkasa nga drug buybust operation sa banwa sang Tapaz

TAPAZ, CAPIZ – Dakop ang isa ka security guard bangud sa pagbaligya sang iligal nga droga sa Barangay San Julian, Tapaz, Capiz.

Ang wala na ginhingadlan nga gwardiya nagapang-edaron sang 35-anyos kag residente sang Brgy. San Nicolas sa amu nga banwa.

Nakuha sa posisyon sang nadakpan ang apat (4) tanan ka sachets sang suspected shabu nga may kabug-aton nga 2 grams kag may standard drug price nga P13,600.00.

Lakip man sa narekober ang P1,100.00 nga buybust money, isa ka yunit sang cellphine kag isa yunit sang motorsiklo.

Kaso nga paglapas sa Republic Act 9165 ukon Comprehensive Dangerous Drugs Act of 2002 ang pagaatubangon sang suspek.

Sa karon, nagapabilin ini sa kustodiya sang Tapaz Municipal Police Station para sa nagakaigo nga disposisyon.