ROXAS CITY – Nagpablotter sa pulisya ang isa ka security guard matapos nga ginaalegar nga gin-harass sa Barangay Banica, Roxas City.
Ginkilala ang tagreklamo nga si Rodnel Bering 24-anyos sang Barangay Calapawan, Panay, Capiz.
Sandig sa ginpabalhag nga reklamo ni Bering nga samtang naga-duty ini sa Banica Cemetery hinali na lamang nga nag-abot ang duha ka mga suspek nga nagapang-ubra sang lapida nga sanday Apolinario Casugbo 50-anyos kag Shiela Casugbo nga lunsay mga residente sang Barangay Banica sining siyudad nga tuyo kuntani magsulod sa premises sang nasambit nga patyo.
Apang, wala ang mga ini ginpahanugotan nga magsulod kag magbutang sang lapida sa amo nga patyo nga wala sang permiso gikan kay Lowill Fernandez.
Bangud diri, ginkaakig ini sang mga suspek rason nga ginmulay kag tuyo pa kuntani nga sumbagon ang nasambit nga sekyu.
Kasunod sini, ginpakamaayo na lamang sang tagreklamo nga iparekord sa pulisya ang natabo.
