Security Guard nagparekord sa pulisya matapos nga ginaalegar nasunog ang ginapag-iyahan nga balay

ROXAS CITY – Nagparekord sa Roxas City Police Station ang isa ka 48-anyos nga security guard matapos nga ginaalegar nasunog ang ginapanag-iyahan sini nga balay sa Sitio Nipa, Barangay Culasi, Roxas City.

Ginkilala ang tagreklamo nga si Joel Amarra sang nasambit nga lugar.

Base sa inisyal nga imbestigasyon sang Roxas City PNP nga nasunog ang balay sang nasambit nga tagreklamo sadtong Marso 30 kun sa diin ginapahayag nga totally burned ini.

Ginabulubanta nga nagalab-ot sa kapin P50,000 ang nangin kahalitan sang nagluntad nga sunog.

Bangud diri, ginpakamaayo na lamang sang tagreklamo nga ipa-rekord sa pulisya ang nasambit nga insidente.