ROXAS CITY –Isa ka security guard ang nabiktima sang pagpanunto matapos nga ginhulaman sang motorsiklo sang lalaki nga nagpakilala driver sang delivery van nga naga-deliver sang cellphone kag gatas sa isa ka mall sa Arnaldo Boulevard, sining syudad.
Ba-se sa panaysayon sang tagreklamo nga si Renel Nonato 21-anyos sang Barangay Sinunduhan, Mambusao, Capiz nagpalapit sa iya si certain Joven de la Cruz kag nagpakilala nga driver sang delivery van.
Gin-alegar nga gintanyagan pa ini sang cellphone ni de la Cruz kabaylo sang P1,500.
Bangud ginbalewala ini sang tagreklamo, nagbiya na lamang ang driver apang pagkaligad sang pila ka oras liwat nga nagbalik kag nagtulog pa sa ginateniran sang security guard.
Apang sang kaaganhon ginhulam sini ang motorsiklo ni Nonato apang wala na ini nagpakita pa sa tagreklamo tobtob sa karon.
Nahibaluan nga nasulod sa U-box sang motorsiklo ni Nonato ang cash nga nagalab-ot sang P1,450.
