Napasakaan na sang kaso nga paglapas sa R.A 10591 ukon “Comprehensive Law on Firearms and Ammunitions Regulation Act”ang security guard nga nakuhaan sang indi lisensyado nga armas-luthang sa Barangay Rosario, Pilar, Capiz.
Matandaan nga ginkilala ang amo nga suspetsado kay alyas Leomy , 47-anyos kag residente sang nasambit nga barangay.
Nahibaluan nga nakuha sa paghinakop sa akusado ang 1 ka unit sang smith and wisson caliber Magnum 357 revolver nga loaded sang 1 ka bala kag basiyu matapos ginpahayag nga nagapamahog sang iya armas luthang sa mga nagalabay rason nga ginrespondehan ini sang mga kapulisan.
Wala naman sang ginpakita nga dokumento ang suspek angut sa nakita sini sang mga kapulisan sa nasambit nga armas-luthang.
Sa karon, nagapabilin ini sa karsel sang Pilar MPS para sa nagakaigo nga disposisyon.
