Pilason ang 69 anyos nga gwardiya matapos ginbuno sang wala makilala nga lalaki sa dalan Panganiban, Centro East, syudad sang Santiago.
Suno sa report hinali na lamang ini nga ginpalapitan kag ginbuno sang suspek nga ginaalegar wala sang maathag nga motibo.
Nakaangkon sang tuman nga pilas sa idalom nga bahin sang likod, dughan, kag wala nga kamot ang biktima nga nagakinahanglan sang gilayon nga medikal nga atensyon.
Gilayon nga gindala sa ospital ang biktima agud mahatagan sang nagakaigo nga pagbulong, samtang madasig nga nagpalagyo ang suspek sa wala mahibaluan nga direksyon.
Narekober sa crime scene ang kutsilyo nga ginapatihan gingamit sa brutal nga pagpangbuno.
Sa subong, padayon ang maid-id nga imbestigasyon kag manhunt operation sang kapulisan agud mahibaluan ang identity kag gilayon nga madakpan ang suspetsado.
