-- ADVERTISEMENT --
ROXAS CITY-Pilas sa magkatuhay nga porsyon sang kalawasan ang naangkon sang isa ka security guard matapos nga natumba sa dalan ang motorsiklo nga ginasakyan sa Barangay Gabuan, Roxas City.
Ginkilala ang biktima nga si Carlos Cerlito Jr., security guard kag residente sang Barangay Pinay, Mambusao, Capiz.
Sandig sa ginpabalhag sang biktima nga samtang ginasubay sini ang dalan, nadulaan ini sang kontrol sang manubela matapos nga nadanlog ang motorsiklo kag dalayon nga natumba sa dalan.
Bangud sini, nag-angkon sang pilas ang biktima nga gilayon naman nga gindapatan sang nagakaigo nga pagbulong.
