Security Guard sa Teodoro Arcenas Trade Center ginreklamo sang pagpamahog ang isa ka matadero

ROXAS CITY-Nagreklamo sa Roxas City Police Station ang isa security guard matapos nga ginaalegar nga ginpahog sang isa ka matadero sa Teodoro Arcenas Trade Center.

Ginkilala ang tagareklamo nga si Jonard Ibanez, 22-anyos residente sang Barangay Cogon, Roxas City.

Sandig sa ginpabalhag sang tagareklamo sa mga kapulisan ginaalegar sini nga ginpahog ini nga pagpatyon ni certain Romeo Gicalde, residente sang Barangay Lonoy sining siyudad.

Nahibaluan nga nag-ugat ang pagpamahog sa suspek matapos nga ginsita kag ginpangitaan sang quarantine sang tagareklamo ang tiayon sang suspek.

Bangud sa tuman nga kakulba sang tagareklmao, ginpakamaayo sini nga ipabalhag sa Roxas City Police Station.