Pagahugton sang mga otoridad ang security kag safety measures sa mga eskwelahan sa Roxas City kasunod sang nagluntad nga mga insidente sang mass shooting sa pila ka eskwelahan sa pungsod.
Sa interview sang Bombo Radyo kay Roxas City Councilor Fernando Luis Viterbo, iya ginpahayag nga nagtambong ini sa pagsipol sa Regional Peace and Order Council kag ginhinalaan ang seguridad sang mga estudyante, manunudlo kag mga school personnel.
Suno kay Viterbo, ginapasigurado sini nga nagakoordinar ang nagkalain-lain nga ahensya sang gobyerno sa pagpatuman sang mga tikang agud maprotektahan ang mga kabataan samtang yara sila sa eskwelahan.
Dugang pa sang natungdan, importante man ang pagmonitor kag paghatag sang suporta sa mga kabataan nga nagapangatubang sang mental health issues agud malikawan nga magresulta ini sa mga insidente sang violence.
Ginpahayag man sini nga ang ginreport nga threat sa Capiz National High School gilayon man nga na-aksyunan sang kapulisan kag Department of Social Welfare and Development ukon DSWD bilang kabahin sang mga tikang agud mapabilin seguridad sang mga eskwelahan syudad.
