ROXAS CITY – May pila ka pagbag-o nga patigayunon sa mga aktibidad sa selebrasyon sang National Heritage Month sini nga bulan sang Mayo sa probinsiya sang Capiz.
Ginpahayag ni Commissioner Alphonsus Tesoro, pinuno sang Provincial Tourism and Cultural Affairs Office (PTCAO) bilang pagsunod sa mga preventive protocols nga ginapatuman sang gobyerno agud malikawan ang COVID-19, wala na sang mahinabo nga pagtililipon.
Sa baylo, paga-adoptahon sang talatapan ang new normal kag mangin palaagyan ang mass media digital platform agud mapasanyog kag mahatagan importansiya ang pagpreserbar sa cultural heritage ukon panublion.
Importante suno kay Tesoro nga mapabilin ang ‘’past’’ kag ma-angut ini sa karon kag palaabuton.
Nagapati man ang opisyal ang nagakahinabo sa karon kabahin sang heritage sa diin mas maayo nga ma-dokumento tanan agud mapreserbar kag magamit sang masunod nga mga henerasyon.
May tema ang subong nga selebrasyon nga ‘’Mga Kwentong Pamana’’ (stories of heritage sa diin daku ang papel sang social media agud mapalab-ot sa publiko ang importansiya nga mapreserbar ang heritage.
Nagalaum si Commissioner Tesoro nga pinaagi sini mapreserbar ang mga significant events nga may daku nga impact sa tawo.
Samtang malipayon naman nga ginpalayag ni Tesoro nga suportado sang provincial government ang tanan nga programa sang PTCAO.
