Emosyonal ang singer nga si Selena Gomez bangud sa pagpa-deport ni US President Donald Trump sa mga migrants.
Sa iya social media account, nag-post ini sang video kag ginpahayag nga ang iya mga kasimanwa ang ginaatake mangin ang mga kabataan.
Wala man sini napunggan nga maghibi sa camera kag ginsiling nga kun may ara lang ini kuntani sang mahimo.
Nag-angkon naman ini sang pagpakamalaut gikan sa iban nga fans kag ginpanugyanan si Gomez nga dapat magpadulong na lamang ini sa kongreso agud i-apeal ang panawagan.
Matapos naman ang pila ka oras, gin-delete ni Selena ang iya na-upload nga video.
Matandaan nga ang singer ang may lahi nga Mexican kun sa diin kalakip ang nasambit nga lahi nga ginapalayas sang mga miyembro sang Immigration and Customs Enforcement (ICE).
