Sen. Alan Cayetano, ginbatikos ang pagpamuno ni Sen. Lacson sa Blue Ribbon Committee

Ginbatikos man ni Senate minority leader Alan Peter Cayetano ang pagpamuno ni Sen Panfilo “Ping” Lacson sa Blue Ribbon Committee nga suno sa iya daw kaangay nga may ginaprotektahan.

Gin-akusahan man ni Cayetano ang mga ahensya sang gobyerno nga iya nakita nga may maathag nga koordinasyon sa pag-uyat sang imbestigasyon sa mga anomaliya sa mga flood control projects.

Suno sa senador, kinahanglan nga mangin independent, patas kag wala sang ginapaboran ang mga imbestigasyon agud mapanabat ang sin-o man nga mapamatud-an nga may kahilabtanan sa korapsyon.