Pormal nga ginhalal bilang bag-o nga Pangulo sang Senado si Senador Alan Peter Cayetano sa ginpatigayon nga botohan sa plenary session sang Mataas nga Kapulungan subong nga Lunes, Mayo 11.
Sa kabug-usan nga 24 ka senador nga nagtambong sa sesyon, nakakuha si Cayetano sang 13 ka boto, nga sapat agud mapildi si Senador Vicente “Tito” Sotto III nga nakakuha sang 9 ka boto.
Upod sa nagboto pabor kay Cayetano, indi lang ang siyam niya ka kaupdanan sa Minority bloc kundi pati man ang iya utod nga si Sen. Pia Cayetano kag ang mag-utod nga sina Sen. Camille kag Mark Villar.
Sa pihak nga bahin, ang siyam ka senador nga nagboto kay Sen. Sotto amo sila: Sen. Bam Aquino, Win Gatchalian, Risa Hontiveros, Panfilo Lacson, Lito Lapid, Kiko Pangilinan, Raffy Tulfo, Erwin Tulfo, kag mismo si Tito Sotto.
Nangin kabahin sang sini nga balasahan ang mainit nga isyu sa Articles of Impeachment batok kay Bise Presidente Sara Duterte. Ginapaabot nga madangat ini sa Senado para sa pormal nga impeachment trial kun makuha ang kinahanglan nga 1/3 nga boto sa Mababang Kapulungan.
