Nakabaton sang pagdayaw ang 447 ka athletes nga delegasyon sang Pilipinas nga naghatag sang kadungganan sa pungsod sa bag-o lang natapos nga 20th Asian Games sa Aich-Nagoya, Japan.
Sa Senate Resolution No. 702 ni Senador Bam Aquino, iya gindayaw ang Team Pilipinas bangud ila gindala pauli ang pinakamadamo nga medalya nga nakuha sang pungsod sa quadrennial meet sa sulod sang anum ka dekada.
Lakip sa mga nagdala sang gold medal amo ang two-time Olympic gold medalist nga si Carlos Edriel Yulo sa men’s vault kag floor exercise sa artistic gymnastics; Ernest John “EJ” Obiena sa men’s pole vault kag si Jesus Gabriel Derick Yape sa mixed individual virtual taekwondo.
Suno kay Sen. Bam, ang ginpakita Nga abilidad nga performance sang Pilipinas nagapakita sang kinahanglanon sang tayuyon nga suporta para sa mga atleta halin sa training kag coaching tubtob sa mga pasilidad kag iban pa nga mga resources.
Ginhatagan niya pagtamod nga ang padayon nga suporta magabukas sang dugang nga mga oportunidad para sa mga Pilipino nga matukiban kag mapauswag ang ila mga talento, nga magabukas sang dalan para sa kadalag-an sa national kag international level.
